Old English

Eac hit gelamp sume dæge þæt þa gebroþru timbredon þæs mynstres hus. And þa læg þær an stan tomiddes, þone hi mynton hebban upp on þæs huses timbrunge, ac hine ne mihton twegen men ne þry onstyrian. Þa eodon þær ma manna to, ac he swa þeah wunode fæst and unwendedlic. And eac hit openlice mihte beon ongyten þæt se feond sæt ofer þam stane, þone ne mihton swa manigra wera handa onstyrian. Þa wæs sended to þam Godes were, and þa broþru bædon þæt he come and mid his gebedum þone feond onweg adrive. Þa sona swa se Godes wer þider com, he dyde þær his gebed. And þa wearþ se stan mid swa mycelre hrædnesse upp ahafen, swylce he ær nænige hefignysse on him næfde.

ac = but
adrive = drive
ær = before
ahafen = raised
an = a, one
bædon = asked (plural)
beon = be
broþor = brother
com = came (singular)
dæg = day
dyde = did
eac = also
eodon = came (plural)
fæst = fast, fixed
feond = enemy, fiend, devil
gebed = prayer
gebroþor = brother
gelamp = happened (singular)
God = God
hand = hand
he = he, it
hebban = to heave
hefignysse = heaviness
hi = they
him = him, it (dative)
hine = him, it (accusative)
hit = it
hrædnesse = speed
hus = house
læg = lay (singular)
ma = more
manigra = many ( + genitive)
mann = man
men(n) = men (nominative plural)
mid = with

mihte, mihton = might (singular, plural)
mycelre = much
mynster = monastery
mynton = meant, intended (plural)
næfde = did not have (singular)
nænige = no, not any
ne = not, nor
ofer = over
ongyten = seen
onstyrian = budge, stir
onweg = away
openlice = openly
sæt = sat (singular)
sended = sent
sona swa = as soon as
stan = stone
sum = a certain
swa = so (see also sona swa and swa þeah)
swa þeah = nevertheless
swylce = as if
þa = then, when, also a form of se
þær = there
þæt = that
þider = thither
þone = which, also a form of se
þry = three
timbredon = built (plural)
timbrung = construction
tomiddes = in the middle
twegen = two
unwendedlice = unchangeable
upp = up
wæs = was
wearþ = was, became
wer = man
wunode = remained